طبخات رمضان مع المسنات في دار رعاية المسنين  

بأجواء شهر رمضان الحلوة ولمّة أمهاتنا على السفرة الملوكية، أخدتنا الأكلات الشعبية اللي بتذكرنا بأيام الماضي لحلب ودمشق وباقي المدن السورية.

النفَس الطيب بأجواء عائلية ودافية، شاركت أمهاتنا بدار رعاية المسنين بتحضير الإفطار الرمضاني الجميل. والسفرة ما خليت من المحشي والكبة والفتوش والمشروبات الرمضانية المعروفة ضمن عادات السوريين بهالشهر الفضيل. تابعوا هي التفاصيل بالفيديو الثاني.

لكن مع وداع رمضان واستقبال العيد بتختلط المشاعر وبيتحرك الحنين. الحنين للأهل والجيران، اللي فرّق بينهم النزوح وظروف الحرب والمآسي الكتيرة اللي مرقت عالشعب السوري. ومع ذلك، أجواء العيد بتضل حاضرة وموجودة، وأمهاتنا المسنات في دار رعاية المسنين، عاشوا هي الأجواء المختلطة مع تحضيرهم لحلويات العيد. عيشوا معنا هي الأجواء بفيديو حلويات العيد.